पीपीएल : जितका लागि धनगढीलाई १९४ रनको लक्ष्य

पोखरा- पोखरामा जारी सवार्धिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गत चितवन राइनोजले धनगढी ब्लुजलाई जितबा लागि १ सय १९४ रनबको लक्ष्य दिएको छ । 

टस हारेर पहिले ब्याटिङ गर्ने निम्तो पाएको चितवनले निर्धारित २० ओभरमा ५ विकेट गुमाउदै १९३ रन बनाएको हो । चितवनका लागि हरिशंकर साहले अर्ध सतकिय पारी खेले । 

उनले ३३ बल खेल्दै ६ चौका र ती छक्काको मद्दतमा ५३ रन जोडे । त्यस्तै अनिल साहले ३७, सुन्नी पटेलले २५, स्मिथ पटेलले २४, कप्तान पारस खड्काले १९ र करन केसीले ११ रन जोडे ।

धनगढीका लागि कप्ताचन दिपेन्द्र सिंह ऐरी, मन्जित श्रेष्ठ, योगेन्द्र सिंह कार्की र डान लावरेन्सले समान एक एक विकेट लिए ।

अहिले धनगढीले  जवाफी ब्याटिङ थालेकाे छ । चितवन पहिलो जितको खोजीमा छ भने धनगढी दोस्रो जितको खोजीमा छ । अघिल्ला दुई खेलमा पराजित भएको चितवनलाई प्ले अफमा पुग्न जित्न्नै पर्ने दबाब छ । 

चितवन पहिलो खेलमा बुटवल ब्लास्टर्ससँग ७० रनले पराजित भएको थियो । यस्तै दोस्रो खेलमा पोखरा पल्टनसँग ५ विकेटले पराजित भयो । यता, एक खेलमा जित र एक खेल हारेको धनगढीलाई पनि जित आवश्यक छ ।