बिहीबार, साउन ७, २०८३
अष्ट्रेलियन क्रिकेटर स्मिथ र वार्नरको प्रतिबन्धबारे समिक्षा माग
एजेनसी- अष्ट्रेलियाका क्रिकेट खेलाडीहरुको संस्था अष्ट्रेलियन क्रिकेटर एसोसिएसन (एसीए)ले ‘बल टेम्परिङ’ काण्डमा दोषी पाएपछि प्रतिबन्धमा रहेका अष्ट्रेलियाका खेलाडी कप्तान स्टेभन स्मिथ, उपकप्तान डेभिड वार्नर र क्यामरुन बेनक्राफ्टको प्रतिबन्धबारे समिक्षा गर्न माग गरेका छन् ।
एसीएले प्रतिबन्धमा परेका खेलाडीले धेरै प्रतिबन्ध बेहोरिसकेको कारण अब क्रिकेट अष्ट्रेलियाले प्रतिबन्धबारे समिक्षा गर्नु पर्ने बताएको हो । गत चैतमा दक्षिण अफ्रिकाविरुद्धको तेस्रो टेष्ट क्रिकेटको दौरान अष्ट्रेलियाका खेलाडीले ‘बल टेम्परिङ’ गरेपछि विवादमा मुछिएका थिए ।
केपटाउनमा भएको खेलको दौरान ब्याट्सम्यान बेनक्राफ्टले ‘बल टेम्परिङ’ गरेका थिए । बेनक्राफ्टले ‘बल टेम्परिङ’ गरेको भिडियो सार्वजनिक भएपछि क्रिकेट अष्ट्रेलियाले कप्तान स्मिथ र उपकप्तान वार्नरमाथि १२ महिनाको प्रतिबन्ध लगाएको थियो । यस्तै बेनक्राफ्टले ७ महिनाको प्रतिबन्ध बेहोरेका थिए ।
एसीएका अध्यक्ष ग्रेग डेयरले प्रतिबन्धमा रहेका खेलाडी धेरै पीडित भएको कारण क्रिकेट एसोसिएसनले प्रतिबन्ध फुकुवा गर्नुपर्ने बताए । ‘तिनीहरुले धेरै पीडित छन् । उनीहरुलाई खेल्न दिनुपर्छ,’ एसीएका अध्यक्ष डेयरले भने ।
यस्तै अध्यक्ष डेयरले प्रतिबन्धमा परेका खेलाडीले प्रतिबन्धसँगै खेल्न नपाएको, सामाजिक दुव्र्यबहार र आर्थिक भार बेहोर्नुपरेको कारण खेलाडीका लागि यो भन्दा ठुलो दण्ड अरु नभएको बताएका छन् ।
प्रतिक्रिया दिनुहोस्
नुवाकोटमा सिन्दुरे जात्राको रौनक
जात्राको विशेष दिन आज अपराह्न ३ बजेपछि विदुरस्थित भैरवीदेवी मन्दिर परिसरमा रहेको महेशमर्दिन मन्दिरमा यस वर्षको सिन्दुरे जात्रा मनाइँदै गरिएको हो।
समाजसेवाका 'अनुराधा'हरू
उनीहरूको अनुहारमा बेसहाराको सहारा बन्दै उनीहरूको भोक, प्यास, नाना, माना र छानाको चिन्ता हुन्छ। बिहान उठेदेखि अबेर रातिसम्म उनीहरू तिनैको सहारा बन्ने कर्ममा कर्मशील भइरहेका...
ट्राफिक नियम उल्लंघन गर्ने १६ स्कुल बसका चालक कारबाहीमा
ट्राफिक नियम उल्लंघन गर्ने १६ स्कुल बस चालकलाई प्रहरीले कारबाही गरेको छ।
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com