फेरि टिपरले लियो २ जनाको ज्यान, ३ घाइते

रसुवा- रसुवाको कालिका गाँउपालिका–४ अम्बासमा टिपर दुर्घटना हुँदा २ जनाको मृत्यु भएको छ भने चालक सहित ३ जना घाइते भएका छन् । 

बेत्रावतीबाट बालुवा लोड गरि पारच्याङतर्फ जाँदै गरेको बा ४ ख ८३६६ नम्बरको ट्रिपर आइतबार राति १० बजे अनियन्त्रित भई सडकबाट अन्दाजी १५० मिटर तल खसेको थियो ।

दुर्घटनामा परि मृत्यु हुनेमा टिपरमा सवार नौकुण्डा गाँउपालिका–३ का ४० बर्षीय कामी तामाङ र १५ बर्षीय प्रकाश तामाङ रहेका छन् । उनीहरुको घटनास्थलमै मृत्यु भएको ईलाका प्रहरी कार्यालय कालिकास्थानले जनाएको छ । 

घाइते भएका चालक रसुवा नौकुण्ड गाँउपालिका–३ का २१ वर्षीय जीवराम थोकर, टिपरमा सवार ३५ वर्षीय सार्की लामा र उनका ११ वर्षीय छोरा अदित तामाङलाई उपचारको लागी काठमाडौंको धापासी स्थित ग्राण्डी अस्पताल ल्याइएको छ । घाइते मध्ये सार्की लामाको अवस्था गम्भिर रहेको अस्पतालले जनाएको छ ।