नेकपाको स्थायी समिति बैठक फेरि सर्‍यो 

काठमाडौ-नेपाल कम्युनिस्ट पार्टी नेकपाको स्थायी समितिको  बैठक फेरि सरेको  छ। 

सोमबारबरका लागि तय भएको बैठक फेरि सरेको हो । स्थायी समितिको बैठकका लागि आवश्यक गृहकार्य नपुगेको भन्दै बैठक स्थगित भएको छ। स्थायी समितिको बैठक सरेको यो लगातार चौथो पटक हो। 

बैठकमा, पार्टीका तल्ला तथा जनवर्गीय संगठनको एकीकरण, नेताहरुको कार्य विभाजन, सरकारको कामको समीक्षालगायतका विषयमा छलफल गर्ने कार्यक्रम थियो। 

प्रधानमन्त्री केपी शर्मा ओलीको स्वास्थ्यका कारण बैठक सरेको बताईएको छ। स्थायी समितिको बैठकको तिथि सचिवालयले पछि तोक्ने स्रोतले बतायो।