पीपीएल टी-२० : चितवनलाई जितका लागि १३६ रनको लक्ष्य 

पोखरा- पोखरामा जारी सर्वाधिक पुरस्कार राशीको पोखरा प्रिमियर लिग (पीपीएल) टी-२० क्रिकेट अन्तर्गतको जारी खेलमा बुटवल ब्लास्टर्लले चितवन राइनोजलाई जितका लागि १ सय ३६ रनको लक्ष्य सुम्पेको छ । सोमपाल कामीको कप्तानीमा रहेको बुटवलले निर्धारित २० ओभरमा ६ विकेट गुमाउदै १ सय ३५ रन मात्र बनाउन सक्यो ।
 
खराबी सुवात गरेको बुटवलका लागि शंकर राना र सागर पुनको जोडीले बुटवलको पारी उकासेका थिए । १६ रन जोड्दा बुटवलले आफ्ना सुरुवाती तीन विकेट गुमाउन पुगेको थियो । त्यस पछि मैदान प्रवेश गरेका शंकरले सागरलाई साथ दिदै बुटवलको पारी उकासेका थिए । 

शंकरले बुटवलका लागि ४८ रनको पारी खेले । उनले ४१ बल खेल्दै ४८ रन जोडेका हुन् । त्यस्तै सागर पुनले पिन समान ४६ रन जोडे । उनले ४८ बल खेल्दै ४६ रन जोडेका हुन् । 

सिद्धान्त लोहनी १७ रनमा अविजित रहे । उनले १५ बल खेल्दै १७ रन जोडेर अिविजत रहेका हुन् । कप्तान सोमपाल कामीले दुर्इ बल खेल्दै ६ रन जोडे । तर सुरुवाती तीन अन्य ब्याट्सम्यानले भने दोहोरो अंक छुन सकेनन् । ओपनर चिराग सुरी १ तथा भीन सार्की २ रनमा पभेलियन फर्किए । रोहन मुस्ताफा शुन्य रनमा आउट भए ।

नेपाली राष्ट्रिय क्रिकेट टिमका बलर करण केसीले आफ्नो स्पेलको पहिलो ओभरको पाँचौ र छैटौ बलमा चिराग सुरी र रोहन मुस्ताफालाई लगातार आउट गरेका थिए । रामनरेश गिरी र शक्ति गौचनले समान १ विकेट लिए । अब केही बेरमा चितवनले जवाफी ब्याटिङ गर्ने छ ।