रुवेनको ह्याट्रिकमा चेल्सी विजय

एजेन्सी- इंग्लिस क्लब चेल्सीले युइएफए युरोपा लिग फुटबलमा वेट बरिसोभलाई पराजित गरेको छ । रुवेन लफ्टस चिकको ह्याट्रिकमा चेल्सीले बरिसोभलाई ३-१ ले पराजित गरेको हो ।

पहिलो हाफमा २-० को अग्रता लिएको चेल्सीले दोस्रो हाफमा थप १ गोल गर्न सफल भयो । खेलको ५४ औं मिनेटमा लफ्टसले गोल गर्दै ह्याट्रिक पूरा गरे । ७९ मिनेटमा बरिसोभका एलेक्सी रियोसले एक गोल गर्दै बरिसोभलाई खेलमा फर्काउने संकेत दिएपनि बरिसोभ ३-१ ले पराजित हुन पुग्यो । 

जितपछि ९ अंक जोडेको चेल्सी समूहमा अपराजित रहदै समूह ‘एल’ को शीर्ष स्थानमा छ । चेल्सीसँग पराजित बरिसोभ समूहमा ३ अंकसहित पुछारमा झरेको छ ।
यही समूहको अर्को खेलमा भिडी एफसीले पाओक एफसीलाई २-० ले पराजित गर्दै समूहमा पहिलो जित निकालेको छ । 

जितपछि भिडी समुहमा तेस्रो स्थानमा उक्लिएको छ । भिडीसँग पराजित पाओक गोल अन्तरमा दोस्रो स्थानमा रहेको छ ।