यूनियन लाईफ इन्स्योरेन्सको सेवा सिभिल बैंकको ६९ शाखाबाट

काठमाडौं- यूनियन लाईफ इन्स्योरेन्सको सेवा अब सिभिल बैंकको ६९ शाखाबाट प्रदान गरिने भएको छ । सिभिल बैंक लिमिटेडले जीवनवीमा सेवालाई विस्तार गर्ने उद्देश्यले यूनियन नेपाल लाईफ इन्स्योरेन्ससँग सम्झौता गरेको छ । 

उक्त सम्झौतापत्रमा सिभिल बैंककातर्फबाट प्रमुख कार्यकारी अधिकृत गोविन्द गुरुङ र यूनियन नेपाल लाईफ इन्स्योरेन्सकातर्फबाट प्रमुख कार्यकारी अधिकृत मनोजकुमार लाल कर्णले हस्ताक्षर गरेका छन् । 
 
सम्झौताबाट इन्स्योरेन्सका जीवन वीमा सेवालाई विना झन्झट सिभिल बैंकका देशभर छरिएका ६९ शाखाहरुमार्पmत उपलब्ध गरी ग्राहकलाई प्रत्यक्ष रुपमा लाभान्वित गरिने बैंकका प्रमुखकार्यकारी अधिकृत गुरुङको भनाइ छ ।

बैंकले यसअघि पनि जीवन वीमा कम्पनिहरु मेटलाईफ, एलआईसी नेपाल र रिलायबल नेपाल लाईफ इन्स्योरेन्स तथा थुप्रै निर्जीवन वीमा कम्पनिहरुसँग त्यसप्रकारको सम्झौता गरी जीवन वीमा तथा निर्जीवन वीमा सेवा उपलब्ध गराउँदै आइरहेको जानकारी गराएको छ ।