माल्दिभ्समाथि नेपालको सानदार जित 

काठमाडौं-चौथो संस्करणको साफ अन्डर-१५ फुटबल च्याम्पियनसिपको पहिलो खेलमा नेपालले माल्दिभ्सविरुद्ध सहज जित निकाल्दै सुखद सुरुवात गरेको छ । सातदोबाटोस्थित एन्फा कम्प्लेक्समा भएको खेलमा नेपालले माल्दिभ्सलाई ४-० गोलको फराकिलो अन्तरले पराजित गर्दै सुखद सुरुवात गरेका हो ।
 
माल्दिभ्सविरुद्ध खेलको पहिलो हाफमा २-० गोल अन्तरले अग्रतालिएको नेपालले दोस्रो हाफमा थप दुई गोल गरेको थियो । नेपालले सुरुवाती अग्रता खेलको २८ औ मिनेटमा लिएको थियो । नेपालले जान लिम्बुको पेनाल्टी गोलमार्फत अग्रता लिएको थियो । 

त्यस्तै ३५ औ मिनेटमा नेपालका लागि नमस थापा मगरले गोल गर्दै अग्रता दोब्बर पारे । नेपालका लागि तेस्रो गोल ६८ औ मिनेटमा शशाक बोहराले गरे । ६८ औ मिनेटमा दिपेश राईले गोल गर्दै नेपाललाई फराकिलो जित दिलाए । 

समुह ‘ए’ मा रहेको नेपालले ३ अंक जोडेको छ । यसअघि आज भएको समुह बीको पहिलो खेलमा पाकिस्तानले भारतलाई पराजित गरेको थियो ।