आत्मदाह गरेकी शान्तिको मृत्यु

काठमाडौं- आफ्नै शरीरमा आगो लगाएर आत्महत्या प्रयास गरेकी एक महिलाको उपचारको क्रममा मृत्यु भएको छ।

काठमाडौंको चन्द्रागिरि नगरपालिका–९ मच्छेगाउँमा डेरा गरी बस्ने ३६ वर्षीया शान्ति श्रेष्ठको मृत्यु भएको हो।

प्यारालाइसिसले ग्रस्त श्रीमान् मोहनकुमारको रेखदेख गर्दै आएकी शान्तिले हिजो दिउँसो आफ्नो शरीरमा पेट्रोल खन्याएर आगो लगाएकी थिइन्।

उनी जल्दै डेराबाट निस्केपछि स्थानीयले प्रहरीलाई खबर गरी उपचारका लागि किर्तिपुरस्थित बर्न अस्पताल लगिएको थियो।