के छापे आजका दैनिक अखबारहरुले ? 

काठमाडौं-  राजधानीबाट प्रकाशित बिहीबारका राष्ट्रिय दैनिक अखबारहरुले विविध विषयका खबरलाई पहिलो प्राथमिकतामा पारेका छन् । 

प्रदेश र स्थानीय तहमा कर्मचारी पठाउन नसकेपछि सरकारले कर्मचारी समायोजन गर्न नयाँ ऐन ल्याउने तयारी गरेको विषयलाई नयाँ पत्रिकाले मुख्यसमाचार बनाएको छ ।

कर्मचारीलाई स्वैच्छिक बढुवा प्रस्ताव शीर्षकमा खबर लेखेको उसले प्रदेश र स्थानीय तहमा गए खरदारलाई नासु, उपसचिवलाई सहसचिव बनाउने तयारी भएको उल्लेख गरेको छ । यस्तै प्रदेशले मागेभन्दा कम दरबन्दी र दरबन्दीको आधाभन्दा कम कर्मचारी पठाइएको पनि समाचारमा जनाइएको छ ।
 
यसैगरि आजको अन्नपूर्ण पोस्ट्ले शीर्ष नेतृत्वबीच मनमुटाव बढ्दै गएपछि कांग्रेसको बैठक अनिश्चि बनेको विषयालाई मुख्य समाचार बनाएको छ । नेविसंघमा ३२ वर्षे उमेरहद तोकेपछि शीर्ष नेतृत्वबीच मनमुटाव बढेको समाचारमा जनाइएको छ । यस्तै बैठक बसेपछि सभापति शेरबहादुर देउवा इत्तरका नेताहरुले बहिष्कार गर्ने चेतावनी दिएको समाचारमा उल्लेख छ । 

यस्तै अन्नपूर्णले खानेपानीमा भएको अनियमितता छानबिन गर्न मन्त्रालयले योजनाकारकै संयोजकत्वमा समिति बनाएको खबर लेखेको छ । यस्तै राजमार्गका होटलहरुमा देखिएको चरम लापरबाहीलाई पनि अन्नपूर्णले विशेष महत्वका साथ छापेको छ । 

आजको कान्तिपुरले भने प्रदेश प्रहरी ऐन ल्याएर विवादित बनेको प्रदेश नम्बर २ ले थप ३ वटा विद्येयक ल्याउन लागेको खबर लेखेको छ । प्रदेश २ ले प्रशासन, लोकसेवा र निजामती कर्मचारीसँग सम्बन्धित ३ विद्येयकको मस्यौता तयार गरेको समाचारमा उल्लेख छ । यस्तै जाजरकोटबाट करोडौँका बहुमुल्य जडिबुटी चोरी निकासी भइरहेको विषयलाई कान्तिपुरले मुख्य समाचार बनाएको छ ।

नागरिक दैनिकले भने मुस्ताङमा एकैदिन चारहजार पर्यटक पुगेको विषयलाई मुख्य समाचार बनाएको छ भने नेपाल र सिक्किम सडकले जोडिन लागेको विषयलाई पनि महत्वका साथ छापेको छ ।