आबुखैरेनी र मोरङमा बस दुर्घटना, ५६ जना घाइते

गोरखा- आबुखैरेनी र मोरङको पथरीशनिश्चरे नगरपालिका-२ मा मा भएका दुर्इ फरक-फरक दुर्घटनामा परी ५६ जना घाइते भएका छन्। 

तनहुँको आबुखैरेनी गाउँपालिका-२ नारीघाटमा आइतवार यात्रुवाहक बस दुर्घटना हुदाँ २० भन्दा बढी यात्रु घाइते भएका हुन्।

बेशिशहरबाट मुग्लिङतर्फ जादै गरेको ना ४ ख ७८४१ नम्वरको मिनिबस सडकभन्दा करिव १५ मिटर तल खसेको जिल्ला प्रहरी कार्यालय तनहुँले जनाएको छ।

घाइतेहरुको तनहुँको छिम्केश्वरी अस्पतालमा उपचार भइरहेको प्रहरी निरीक्षक सन्तोष रोकाले जानकारी दिए । घाइतेहरुको पहिचान खुल्न बाकी रहेको उनले बताए।

तीव्र गतिका कारण दुर्घटना भएको प्रहरीको अनुमान छ। बसमा ४० भन्दा बढी यात्रु थिए।

बस पल्टिँदा ३६ यात्रु घाइते

उर्लाबारी- मोरङको पथरीशनिश्चरे नगरपालिका-२ स्थित पूर्वपश्चिम राजमार्गमा आइतबार अपराह्न यात्रुबाहक बस पल्टिँदा बसमा सवार ३६ जना घाइते भएका छन् । 

काँकडभिट्टाबाट धरानतर्फ जाँदै गरेको को १ ख ४५१७ नम्बरको बस आफैँ अनियन्त्रित भई दुर्घटनामा परेको थियो। 

दुर्घटनामा घाइते भएका सबैको स्थानीय पथरी अस्पतालमा उपचार भइरहेको इलाका प्रहरी कार्यालय पथरीका प्रहरी निरीक्षक कमल बजगाईले जानकारी दिए। बस र त्यसका चालकलाई प्रहरीले नियन्त्रणमा लिएको छ।