रामेछाप दुर्घटना अपडेट : मृतकको संख्या ३ पुग्यो 

रामेछाप- रामेछापको खरानेमा भएको टाटा सुमो दुर्घटनामा परि ज्यान गुमाउनेको संख्या ३ पुगेको छ । रामेछाप नगरपालिका–१ गोठगाँउका सुमो चालक २६ वर्षीय हेम बहादुर खत्रीको अइतबार बिहान मृत्यु भएसंगै ज्यान गुमाउनेको संख्या ३ पुगेको हो । 

शनिबार साँझ पौंने ६ बजे रामेछापकै सालुबाट गोठपानीतर्फ जाँदै गरेको ना १ ज ४८ १२ नम्बरको जिप सडकबाट अन्दाजी २५० मिटर तल खस्दा २ जनाको घटनास्थलमै मृत्यु भएको थियो । मृत्यु हुनेमा गोठगाँउका ४५ बर्षीय दुर्गा बहादुर कार्की र उनकी आमा ७५ बर्षीया ललिमाया कार्की रहेको प्रहरीले जनाएको छ । 

दुर्घटनामा घाइते भएका ५ जनाको सैनिक अस्पताल छाउनी र ३ जनाको काठमाडौँ मेडिकल कलेज सिनामंगलमा उपचार भइरहेको छ ।