रामेछापमा बस दुर्घटना: एकको मृत्यु, २९ घाइते

 काठमाडौं- रामेछाप खाडादेवी गाउँपालिकामा बस दुर्घटना हुँदा एक जनाको मृत्यु भएको छ भने २९ घाइते भएका छन्। 

काठमाडौंबाट रामेछापको गाल्पातर्फ गइरहेको बा ३ ख ४६७५ नम्बरको बस दुर्घटना भएको हो। बसमा सवार एक बालिकाको मृत्यु भएको हो। उनको सनाखत भने हुन सकेको छैन । 

खाडादेवी गाउँपालिका ३ का वडाअध्यक्ष पुष्करकुमार कार्कीका अनुसार घाइते सबैको सिन्धुलीस्थित भरोसा अस्पतालमा उपचार भइरहेको छ । दुर्घटनास्थल सिन्धुलीदेखि नजिकै पर्छ ।