काठमाडौं- दार्चुलाको ब्यास गाउँपालिका-२ स्थित दुम्लिङ नजिकै तुइनबाट खसेर एक जना बेपत्ता भएका छन्। तल्ला दुम्लिङका स्थानीय सिङ्दल सिंह भण्डारी नेपालबाट भारत जाने क्रममा तुइनबाट खसेर बेपत्ता भएका हुन्।
भण्डारी आज दिउँसो साढे १ बजेतिर महाकाली नदीमा खसेर बेपत्ता भएका हुन्। भण्डारी नेपालबाट भारत जाने बेला तल्लो दुम्लिङस्थित नेपाल-भारत जोड्ने तुइनबाट खसेर बेपत्ता भएका हुन्। बेपत्ता भण्डारीको अहिले प्रहरी र स्थानीयले खोजी गरिरहेका छन्।