५ वटा प्राध्यापक संघले मागे मध्यपश्चिम विविका उपकुलपतिको राजीनामा

सुर्खेत– मध्यपश्चिम विश्वविद्यालय (एमयू) का विभिन्न ५ प्राध्यापक संघ÷संगठनले उपकुलपति प्रा.डा. नन्दबहादुर सिंहको राजीनामा माग गरेका छन्। प्रजातन्त्रवादी प्राध्यापक संघ, आंशिक प्राध्यापक संघ, करार प्राध्यापक संघ, नेपाल राष्ट्रिय प्रध्यापक संगठन र च्याप्टर कन्ट्रयाक्ट प्रध्यापक संघले संयुक्त रुपमा  उपकुलपतिको राजीनामा माग गरेका हुन्।

उपकुलपतिले पदीय मर्यादा राख्न नसकेको र गुण्डागर्दी शैलीमा उत्रिएको लगायतका आरोप उनीहरुको छ। ‘कार्यसम्पादनमा कुशलता नभएका असक्षम, अविवेकी, उपकुलपतिले नैतिकताको आधारमा अविलम्ब राजीनामा दिन जोडदार माग गर्दछौं।’ प्राध्यापक संघहरुद्धारा बुधबार जारी संयुक्त विज्ञप्तिमा भनिएको छ । करिब एक महिनादेखि प्राध्यापक र विद्यार्थी आन्दोलिन छन्।