बारामा बालकको अपहरणपछि हत्या : दुई जना पक्राउ

काठमाडौ- बारामा एक बालकको अपहरणपछि हत्या भएको छ । अपहरणमा परेका ६ बर्षिया बालको दिपक यादबको शनिबार राती शव फेला परेको हो । 

घनेश्वर यादबका ६ वर्षीय गुल्लु भनिने दिपक यादवको शव सिम्रनगौड नगरपालीका–३ नैका टोल नजिकैको जंगलमा फेला परेकाे जिल्ला प्रहरी कार्यालय बाराकी प्रहरी प्रमुख मिरा चौधरीले जानकारी दिइन । 

उनका अनुसार असोज २४ गते हराएका गुल्लुको प्रहरीले खोजीकार्य तिव्र पारेको  थियो । हराएका बालक अपहरणमा परेको र  १० लाख फिरौती मगिएको चौधरीले नेपाल समयलाई जानकारी दिइन । पुरै सडेको अबस्थामा फेला परेको शव २४ गतेनै हत्या भएको हुनसक्ने प्रहरीको अनुमान छ । बालकाको हत्या गरेको आशंकामा प्रहरीले स्थानीय हरेन्द्र कुसवहा र श्यामसुन्दर बैठालाई नियन्त्रणमा लिएको छ ।  

हजुरबुवासंग मेला हेर्न गएका ६ बर्षिय दिपक घर पर्कने अपहरण परेका थिए ।  नसालु पदार्थ सुगाँयर अपहरण गरेको बताईएको छ । हरेन्द्रले अपहरण गरेको स्वीकार गरेका छन । शवको पोष्टमार्टम भैरहेको र थप अनुसन्धानको काम अघि बढाइएको एसपी चौधरीले जानकारी दिइन् ।