सुनकोशीमा बस खस्यो- १ को मृत्यु, ७ घाइते

काठमाडौं- बीपी राजमार्गको सिन्धुली रिठ्ठेभीर खण्डमा एक यात्रुवाहक बस सडकबाट खस्दा एक यात्रुको मृत्यु भएको छ भने सात घाइते भएका छन्।

ना६ख ९१२ नम्बरको बस सडकबाट करिब पाँच सय मिटर तल सुनकोशी किनारमा खसेको थियो। सिन्धुलीका एसपी रामेश्वरप्रसाद यादवका अनुसार नदीमा डुब्नबाट मात्र एक मिटरले मात्र उक्त बस जोगिएको छ।

दुर्घटनामा बस तीन टुक्रा भएको छ। घाइतेमध्ये चार जना गम्भीर छन्। सबै घाइतेलाई उपचारका लागि धुलिखेल अस्पताल ल्याइएको छ। मृतक र घाइतेहरूको नाम खुलिनसकेको एसपी यादवले जानकारी दिए।

उक्त बस सिन्धुलीको मरिन गाउँपालिकाबाट काठमाडौंतर्फ आउँदै थियो। दुर्घटनास्थल सुनकोशी गाउँपालिका-५ मा पर्छ।