नुवाकोटमा बस दुर्घटना- २ को मृत्यु, ३५ घाइते

काठमाडौं- नुवाकोटमा शुक्रबार बिहान भएको बस दुर्घटनामा परी दुई यात्रुको ज्यान गएको छ। 

प्रहरीका अनुसार बा२ख ६३५६ नम्बरको बस राँगेफाँट भन्ने स्थानमा दुर्घटनाग्रस्त भएको हो। उक्त बस समुद्रटारबाट त्रिशुलीतर्फ जाँदै थियो। प्रहरी उपरीक्षक वसन्त कुँवरका अनुसार बस सडकबाट ७५ मिटर तल खसेको छ।

मृतक यात्रुको पहिचान हुन सकेको छैन। घाइते केही यात्रुलाई उपचारका लागि काठमाडौंतर्फ लगिएको प्रहरीले जनाएको छ।