‘ए’ डिभिजन लिग : आज मनाङ र एपीएफको प्रतिद्वन्द्वी को ?

काठमाडौं- पल्सर सहिद स्मारक ‘ए’ डिभिजन लिग अन्तरगत आज (शुक्रबार) पहिलो चरणका अन्तिम दुई खेल हुदै छन् । पहिलो खेलमा आज हिमालयन शेर्पा क्लब र विभागीय टोली एपीएफ क्लबबीच प्रतिस्पर्धा हुनेछ । 

त्यस्तै दोस्रो खेलमा प्रतियोगिताकै अर्को दाबेदारबो रुपमा हेरिएको मनाङ मर्स्याङ्दी क्लबले ब्रिगेड ब्वाइजको सामना गर्दै छ । एन्फा कम्प्लेक्स सातदोबाटोमा आज हुने पहिलो हिमालयन शेर्पा क्लब र विभागीय टोली एपीएफबीचको खेल बिहान ११ बजे शुरु हुने छ । दुवै टोली पहिलो खेलमा ३ अंक जोड्ने लक्ष्यसहित मैदान उत्रनेछन् ।

त्यस्तै दोस्रो खेल पनि एन्फा कम्प्लेक्समा नै दिउसो ३ बजे सुरु हुनेछ । ब्रिगेड र मनाङ पनि विजयी सुरुवात गर्ने लक्ष्यसहि मैदान उत्रनेछन् । बंगबन्दु गोल्ड कपले केही समय स्थगित गरेको ‘ए’ डिभिजन लिग फुटबल बुधबारबाट पुनः शुरु भएको थियो ।

तर, शुरु भएको तीन दिनमै पुनः स्थगित हुदै छ । अब ‘ए’ डिभिजन लिग सिधै तिहार पछि शुचारु हुने छ ।