नेपाल उपाधिका लागि सिंगापुरसँग भिड्दै

काठमाडौं- आईसीसी विश्वकप टी-२० एसिया क्षेत्र छनोट ‘बी’ को अन्तिम खेलमा नेपालले आज (शुक्रबार) सिंगापुरको सामना गर्दै छ । छनोटमा अपराजित यि दुबै टोलीले उपाधिका लागि भिड्ने छन् ।समान ५-५ खेलमा जित निकाले यि दुबै टोली अर्को चरणको छनोटमा पुगि सकेका छन् । 

खेल नेपाली समय अनुसार दिउँसो १२:१५ बाट मलेसियाको बायोमास ओभल क्रिकेट मैदानमा सूरु हुने छ । उपाधिको एक्लो दाबेदारको रुपमा हेरिएको नेपालको नजर सिंगापुरलाई फराकिलो अन्तरले पराजित गर्दै उपाधि चुम्ने नै हुने छ । 

अंकतालिकामा नेपाल नेट रन रेटका आधारमा पहिलो र सिंगापुर दोस्रो स्थानमा छन् । नेपालले सिंगापुरसँग कुनै पनि फ्रम्यार्टको क्रिकेटमा अहिले सम्म पराजय भोगेको छैन । टी-२० क्रिकेटमा नेपाल र सिंगापुरबीच २ ओटा खेल भएका छन् । दुबै खेलमा नेपाल विजयी भएको छ । 

टी-२० क्रिकेटमा नेपालले बनाएको सर्वाधिक स्कोरको रेकर्डपनि सिंगापुरबीरुद्ध नै रहेको छ । सन् २०१३ मा कीर्तिपुर क्रिकेट मैदानमा भएको एसीसी कपमा सिंगापुरबीरुद्ध बनाएको २ सय १० रन नै नेपालले टी-२० मा बनाएको उच्च रन हो । उक्त खेलमा नेपाल १ सय २१ रनले विजयी भएको थियो ।