फ्रान्स आइसल्यान्डसँग बराबरीमा रोकियो

एजेन्सी- बिहिबार राति भएको खेलमा विश्व विजेता फ्रान्सले आइसल्यान्डसँग बाबरी खेलेको छ । फ्रान्सले आइसल्यान्डसँग २-२ को बराबरी खेलेको हो । आइसल्यान्डसँग हारतर्फ उन्मुख भएको खेलमा युवा स्टार केलियन एमबाप्पेले खेलको अन्तिम समयमा गोल गर्दै हारबाट जोगाएका थिए ।

उनले खेलको ९०औं मिनेटमा गोल गर्दै फ्रान्सलाई हारबाट जोगाएका हुन् । खेल २-२ गोलको बराबरीमा सकिएको हो । जित नजिक पुगेको आइसल्यान्ड अन्तिमा समयमा सम्हालिन नसक्दा बराबरीमा रोकिएको हो । 

आइसल्यान्डका विरकिर विजरनासन र कारी आर्नासनले गोल गरे । फ्रान्सका केलियन एमबाप्पेले गोल गर्दा एक गोल उपहार पाएको थियो । आइसल्यान्डका होलमारले आत्मघाती गोल गरेका थिए । ३०औं मिनेटमा विरकिरको गोलबाट आइसल्यान्डले पहिलो हाफमा १-० को अग्रता बनाएको थियो । 

५८औं मिनेटमा कारीले गोल गरेपछि आइसल्यान्डले विश्वविजेताविरुद्ध २-० को अग्रता बनाएको थियो । २-० ले पछि परेपछि फ्रान्सले खेलमा दवाव सिर्जना गरेको थियो । ८६औं मिनेटमा होलमारले आफ्नै पोस्टमा गोल गरेपछि फ्रान्स खेलमा फर्किएको थियो । ९०औं मिनेटमा स्टार एमबाप्पेले गोल गरेपछि फ्रान्सलाई सम्भावित हारबाट जोगाए ।