बस र मोटरसाइकल ठोक्किदा दुर्इ जनाको ज्यान गयो

धनगढी- पूर्वपश्चिम महेन्द्र राजमार्ग अर्न्तगत कैलालीको गोदावरी नगरपालीकाको अत्तरीयास्थित वनखेतमा बिहीबार दिउँसो बस र मोटरसाइकल एक आपसमा ठोक्किएका छन्। दुर्घटनामा गम्भिर घाइते भएका मोटरसाइकलमा सवार दुवैजनाको मृत्यू भएको छ।

दुर्घटनामा गोदावरी नगरपालीका-६ बस्ने मोटरसाइकल चालक २८ वर्षिय हेमन्त साउँद र त्यसमा सवार सोहि ठाउँका २६ वर्षिय विक्रम खड्काको मृत्यू भएको प्रदेश ट्राफिक प्रहरी कार्यालय अत्तरीयाले जनाएको छ। 

दुर्घटना लगत्तै दुवै जनालाई पदमा अस्पतालमा सामान्य उपचारपछि भारतको वरेली लैजाने क्रममा बाटोमा मृत्यू भएको प्रहरीले जनाएको छ।
 
दुवै जनाको शव पोष्टमार्टमका लागी सेती अञ्चल अस्पताल ल्याइएको छ। पूर्वबाट पश्चिमतर्फ आउँदै गरेको ना ५ ख ८०४९ नम्वरको बस र  विपरित दिशावाट जाँदै गरेको से ५ प ७५३६ नम्वरको पल्सर मोटरसाइकल वनखेतमा एकआपसमा ठोक्किएको हो। बस र चालकलार्इ प्रहरीले नियन्त्रणमा लिएको छ।