पहिलो हाफमा थ्रीस्टारको १-० को अग्रता 

काठमाडौं- सहिद स्मारक ‘ए’ डिभिजन लिग अन्तर्गत थ्रीस्टार र फ्रेन्ड्स क्लबबीचको जारी खेलको पहिलो हाफमा थ्रीस्टार क्लबले फ्रेन्ड्सविरुद्ध १-० को अग्रता लिएको छ । थ्रीस्टारका लागि खेलको १७ औं मिनेटमा रन्जनले उत्कृष्ट गोल गर्दै थ्रीस्टारलाई अग्रता दिलाए ।

खेलको चौथो मिनेटमा थ्री स्टारका पिटर सेगुनले गोल गर्ने अवसर गुमाएका थिए । लगत्तै पाँचौ मिनेटमा सुनील बलको फ्रिकिकमा रञ्जित धिमालको प्रहारले पोस्टको दिशा लिन सकेन । 

तर १७ औं मिनेटमा रन्जनले मध्येभागबाट डिफेन्सलाई बिट गर्दै लागेको बल पेनाल्टी क्षेत्रभित्रबाट गोल गरेका थिए । त्यसको आठ मिनेटपछि फ्रेन्ड्सका कप्तान धिरज श्रेष्ठले पाएको अवसर गोलमा परिणत गर्न सकेनन् । 

३७ औं मिनेटमा अजायी मार्टिन्सले पनि टाइट एंगलमा पाएको अवसर गोलको दिशामा पठाउन सकेनन् । ४२ औं मिनेटमा रन्जन विष्टलाई पेनाल्टी क्षेत्रबाहिर लडाएपछि पाएको फ्रिकिकमा रञ्जितको प्रहार बाहिरियो ।