साढे दुई सय यात्रु बोकेको पानीजहाजमा आगलागी: ३१ को मृत्यु, सात बेपत्ता

दक्षिणी फिलिपिन्समा पानीजहाजमा आगलागी हुँदा ३१ जनाको मृत्यु भएको छ। उद्धारकर्मीहरूका अनुसार २३ जना घाइते भएका छन् भने सात जना अझै हराइरहेका छन्।

बुधबार राति जहाजमा आगो लागेपछि चालक दलका ३५ जना सदस्य र १ सय ९० जना यात्रीलाई तटरक्षक र माझीहरूको सहयोगमा सकुशल उद्धार गरिएको थियो। पानीजहाजमा २ सय ५० भन्दा बढी यात्री रहेका बताइएको छ।

लेडी मेरी जोय-३ नामको पानीजहाज मिन्डानाओ टापुको जाम्बोआंगा सहरबाट सुलु प्रान्तको जोलो टापुतर्फ गइरहेका बेला आगो लागेको थियो।