काठमाडौं- सरकार समर्थित दलहरुको बैठक प्रधानमन्त्रीको सरकारी निवास बालुवाटारमा सुरु भएको छ। मन्त्रालय बाँडफाँटबारे टुंगो लगाउन बैठक बसेको हो।
बैठकमा दस दलीय सत्तारुढ गठबन्धन दलका शीर्ष नेताहरु सहभागी छन्। अहिलेको सत्ता गठबन्धनमा नेकपा माओवादी, नेपाली कांग्रेस, नेकपा एकीकृत समाजवादी, जनता समाजवादी, जनमत, लोकतान्त्रिक समाजवादी, नागरिक उन्मुक्ति पार्टी र राष्ट्रिय जनमोर्चा छन्।
प्रधानमन्त्री दाहालले दोस्रोपटक ६ चैतमा विश्वासको मत लिए पनि अहिलेसम्म मन्त्रिपरिषद्लाई पूर्णता दिन सकेका छैनन्। दाहालले राष्ट्रपति र उपराष्ट्रपति निर्वाचनमा बनेको गठबन्धनलाई समेटेर मन्त्रिपरिषद् विस्तार गर्न चाहेका छन् तर गठबन्धन दलहरूबीच मन्त्रालय बाँडफाँडका विषयमा सहमति जुट्न नसक्दा मन्त्रिपरिषद् विस्तारमा ढिलाइ भइरहेको छ। प्रधानमन्त्री दाहाल एक्लैको काँधमा १६ मन्त्रालयको कार्यभार छ।