नेपालले ११ बलमै चीनलाई १० विकेटले हरायो 

काठमाडौं- आईसीसी विश्व टी-२० एसिया छनोट समूह ‘बी’ अन्तर्गत नेपाल ओफ्नो पाँचौ खेलमा चीनविरुद्ध १० विकेटले विजय भएको छ । टस जितेर पहिला फिल्डिङ रोजेको नेपालले जितका लागि  २७ रनको लक्ष्य पाएको थियो । 

नेपालका लागि ओपनर ब्याट्सम्यान द्धोय प्रदिप ऐरी र बिदोन भण्डारीले अविजित रहदै उक्त लक्ष्य भेट्टाएका हुन् । बिनोदले ८ बल खेल्दै तीन चौकार एक छक्को मद्दतमा २४ रन जोड्दै खविजित रहे भने प्रदिपले तीन बल खेल्दै चार रन जोडे । 

यसअघि चिनले १३ ओभरमा सबै विकेट गुमाउदै मात्र २६ रन मात्र बनाउन सकेको थियो । चीनका लागि होङजिङ यानले सर्वाधिक ११ रन बनाउन बाहेक अन्य ब्याट्सम्यानले दोहोरो अंक छुन सकेनन् ।

नेपाली बलिङ सामु खुलेर खेल्न नसकेका चीनका सात जना ब्याट्सम्यान सुन्य रनमा आउट भएका थिए । त्यस्तै चीनका डेङजी माले ५ र चेन जिनफेङले १ रन जोडे । 

चीनलाई सस्तैमा समेट्न नेपालका लागि ललित राजवंशी, सन्दिप लामिछाने र बसन्त रेग्मीले समान तीन तीन विकेट लिए । छनोटमा नेपाल ५ खेलबाट १० अंक जोडेर शीर्ष स्थानमा छ । 

छनोटबाट शीर्ष तीन टोलीले एसिया छनोटको दोस्रो चरणमा स्थान बनाउने छन् । नेपाल यसअघिनै एसिया छनोटको दोस्रो चरणमा प्रवेश गरिसको छ । एसिया छनोटबाट शीर्ष दुई टोलीले विश्वकपमा स्थान बनाउने छन् । 

एसिया छनोटमा ७ टोलीले खेल्नेछन् । अष्ट्रेलियामा हुने टी–२० विश्वकप सन् २०२० को अक्टोबर १८ देखी १५ नोभेम्बरसम्म हुनेछ । जसमा १६ टोलीले खेल्नेछन् ।