रियल मड्रिड मेरो सपना हो : हाजार्ड

इंग्ल्यान्ड (एजेन्सी)- चेल्सीका स्टार इडेन हाजार्डले स्पेनिस क्लब रियल मड्रिड आफ्नो सपनाको क्लब रहेको बताएका छन् । चेल्सीका मिडफिल्डर हाजार्डले रियल आफ्नो बच्चा देखिकै सपना रहेको बताएका हुन् । 

हाजार्डले रियल जाने इच्छा समेत व्यक्त गरेका छन् । ‘रियल मड्रिड विश्वकै उत्कृष्ट क्लब हो । म आज झुटो बोल्न चाहन्न । जब म बच्चा थिए, रियल मेरो सपना थियो ।’ 

हाजार्डले भने, ‘म अझै यस क्लबबारे सपना देखिरहेको हुन्छु । म यसबारे प्रत्येक दिन कुरा गर्न चाहन्न । मसँग अहिले समय छैन । तर, मेरो बिचारमा भविष्यबारे हामी चाडै कुरा गर्नेछौ ।’ 

यता, रियल मड्रिड पनि हाजार्ड भित्र्याउन चाहिरहेको छ । तर, रियल यस सिजनको विन्डोज ट्रान्सफरमा हाजार्ड भित्र्याउन असफल भएको थियो । स्टार स्ट्राइकर क्रिस्टियानो रोनाल्डोलाई इटालियन क्लब युभेन्ट्समा बेचेपछि रियलले हाजार्डलाई ल्याउने तयारी गरेको थियो ।  

यस्तै हाजार्डले सम्झौता नवीकरणको लागि चेल्सीले चासो नदेखाएको बताएका छन् । तर, हाजार्डले सम्झौता नवीकरणको लागि चाडै कुराकानी हुने बताए । हाजार्डले भने, ‘यदि उनीहरु मसँग आउछ भने सायद म अहिले कुरा गर्न तयार छु । म कुरा गर्नेछु ।’ 

त्यस्तै हाजार्डले चेल्सी छाड्ने र नछाड्ने बिषयमा आफु दोधारमा रहेको बताए । उक्त निर्णय आफ्नो लागि सबैभन्दा कठिन हुने बताए । बेल्जियमका कप्तान समेत रहेका २७ बर्षीय हाजार्डको चेल्सीसँगको सम्झौता अझै २ बर्ष बाँकी रहेको छ । हाजार्ड सन् २०१२ मा चेल्सी आएका थिए ।