प्रदिपको अर्धशतकमा भुटानलाई १५१ रनको लक्ष्य

काठमाडौं- आईसीसी टी-२० विश्वकप एसिया छनोट अन्तर्गत नेपालले आफ्नो चौथो खेलमा भुटानलाई एक सय ५१ रनको लक्ष्य सुम्पेको छ । प्रदीप ऐरीको अर्धशतकको मद्दतले नेपालले भुटान सामु मध्यक योगफलको लक्ष्य सुम्पेको हो ।

प्रदिप ७५ रनमा नटआउट रहे । उनले ६८ बल खेल्दै चार चौका र दुई छक्काको मद्दतमा ७५ रन जोडेका थिए । नेपालले निर्धारित २० ओभरमा चार विकेट गुमाएर १५० रन जोडेको थियो । 
नेपालका लागि अनिल कुमार साहले २७ रन जोड्दा दिपेन्द्र सिंह ऐरीले १५ र आरिफ सेखले १३ रन जोडे ।

त्यस्तै करन केसी ११ रनका अविजित रहे । भुटानका लागि थिन्ले जम्टसो,संजिवन गुरुङ, जिग्मे सिंग्य र रमेस लिम्बुले समान एक एक विकेट लिए । केहि बेरमा भुसटानले जवाफि ब्याटिङ गर्ने छ ।
लनात्मक कमजोर टिम भुटानविरुद्ध नेपाललाई जित निकाल्न गार्हो पर्नेछैन । अघिल्ला नतिजा हेर्दा नेपालले भुटानलाई सहजै हराउने देखिएको छ । जारी प्रतियोगितामा भुटान प्रदर्शन उच्च देखिएको छैन । छनोटमा नेपाल ३ खेलबाट ६ अंक जोडेर शीर्ष स्थानमा छ । यता, भुटान ३ खेलबाट २ अंक जोडेर पाँचौ स्थानमा छ । नेपालले भुटानविरुद्ध अहिलेसम्म कुनैपनि खेल गुमाउनु परेको छैन । 

नेपालले भुटानविरुद्धको पाँच भेटमा चार जित निकालेको छ । एक खेल बर्षाको कारण नतिजाबिहिन बनेको छ । नेपालले पछिल्लो पटक भुटानसंग सन् २००६ मा खेलेको थियो । मलेसियामै भएको एसीसी ट्रफीपछि नेपालले १२ बर्षपछि भुटानसंग खेल्न लागेको हो । 

नेपालले उक्त खेलमा १८१ रनले जित निकालेको थियो । यस्तै नेपालले सन् २००३ को एसीसी इमार्जिङ टिम्स कपमा भुटानलाई ३५३ रनले पराजित गर्दा सन् २००४ एसीसी ट्रफीमा ९ विकेटले हराएको थियो । त्यस्तै सन् २००४ कै एसीसी ट्रफीको प्लेअफमा नेपालले भुटानलाई ८ विकेटले पराजित गरेको थियो ।