काठमाडौं– नेकपा एमालेले प्रधानमन्त्री पुष्पकमल दाहाल प्रचण्डलाई विश्वासको मत नदिने भएको छ।
सोमबार बसेको एमाले संसदीय दलको बैठकमा पार्टी अध्यक्ष केपी ओलीले सत्ता समीकरण भत्काएर राजनीति दूषित बनाएको आरोप लगाउँदै प्रधानमन्त्री प्रचण्डलाई विश्वासको मत नदिइने बताएका हुन्।
अध्यक्ष ओलीले संसदीय मर्यादाका सवालमा एमाले सांसदलाई एकै स्वरले सदनमा प्रस्तुत हुन निर्देशन दिए।
सात दलीय समीकरण बनेर सरकारमा सहभागी रहेका बेला एमालेले यसअघि २६ पुसमा प्रधानमन्त्री प्रचण्डलाई विश्वासको मत दिएको थियो।