शुक्रबार, माघ १३, २०७९
लोसपाले प्रधानमन्त्री प्रचण्डलाई विश्वासको मत दिने
काठमाडौं- लोकतान्त्रिक समाजवादी पार्टी (लोसपा) नेपालले प्रधानमन्त्री पुष्पकमल दहाल ‘प्रचण्ड’लाई विश्वासको मत दिने निर्णय गरेको छ।
लोसपाको आज बसेको संसदीय दलको बैठकले प्रधानमन्त्री प्रचण्डलाई विश्वासको मत दिने निर्णय गरेको हो। लोसपाका वरिष्ठ नेता राजेन्द्र महतोका अनुसार प्रधानमन्त्रीलाई विश्वासको मत दिने र सरकारमा सहभागी हुने निर्णय भएको छ।
‘पार्टीले प्रधानमन्त्रीलाई विश्वासको मत दिने निर्णय गरेको छ। विश्वासको मत दिएपछि सरकारमा सहभागी हुने बाटो खुल्नेछ’, नेता महतोले भने।
बैठकले संसदमा सत्ता पक्षको बेन्चमा बस्ने निर्णय पनि गरेको छ। यसअघि लोसपाले प्रधानमन्त्री प्रचण्डलाई विश्वासको मत दिएपनि प्रतिपक्षी बेन्चमा बसेको थियो। लोसपाकोतर्फबाट प्रतिनिधिसभामा चार सांसद छन्।
कोसी नामकरणको विरोधमा तनावग्रस्त बन्यो विराटनगर
प्रदेशको नाम कोसी बदलेर जातीय पहिचान झल्किने नाम राख्नुपर्ने मागसहित विरोधमा उत्रिएका पहिचानवादी समर्थकले ढुंगा हानेपछि प्रहरीले अश्रुग्यास र लाठीचार्ज गरेको हो।
एमाले पेलाइमा थकित भए भीम रावल
एमालेभित्र विधि र पद्धतिको कुरा उठाउँदा थिचोमिचो र घचेटाइमा पार्ने क्रम नरोकिएपछि नेता रावलले सुनाए नयाँ विकल्पको बाटो।
नयाँदिल्ली पुगिन् देउवा पत्नी आरजु
कांग्रेस प्रचण्डको सरकारमा सत्तारुढ हुने अन्तिम तयारी भइरहेका बेला देउवा पत्नी आरजुले नयाँदिल्ली यात्रा गरेकी हुन्।
सम्पर्क
House -138, Suruchi Marg, New
Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
फोन : +977-1-4790242 / +977-1-4790040
इमेल : nepalsamayanews@gmail.com