स्ववियु निर्वाचनमा सत्ताको दुरुपयोग भयोः योगेश भट्टराई

नेपाल समय | आइतबार, चैत ५, २०७९

नेपाल समय

आइतबार, चैत ५, २०७९

स्ववियु निर्वाचनमा सत्ताको दुरुपयोग भयोः योगेश भट्टराई

फाइल तस्बिर

नेकपा एमालेका सांसद योगेश भट्टराईले ताप्लेजुङको पाथीभरा क्याम्पसमा एमालेको भ्रातृ संस्था अनेरास्ववियूका कार्यकर्तामाथि आक्रमण भएको बताएका छन्।

आइतबार प्रतिनिधिसभा बैठकको शून्य समयमा उनले आज भइरहेको स्ववियु निर्वाचनका क्रममा अनेरास्ववियुका कार्यकर्तामाथि आक्रमण भएको बताएका हुन्।

उनले भने, ‘पाथीभरा क्याम्पसमा अनेरास्ववियुमाथि आक्रमण भएको छ। त्यहाँको निर्वाचनमा धाँधली भएको छ। क्याम्पस गेटमा कुटपिट भएको छ अनेरास्ववियुका कार्यकर्तामाथि। फर्जी परिचयपत्र बनाएर मतदान भएको छ। बजार तनावग्रस्त भएको छ। सत्ता पक्षले शक्तिको दुरुपयोग गरेर स्ववियु निर्वाचनलाई प्रभावित पारेको छ।’

भट्टराई ताप्लेजुङका जनप्रतिनिधि हुन्।

प्रकाशित: Mar 19, 2023| 01:17. 00 आइतबार, चैत ५, २०७९