सरकारमा सहभागी हुने कांग्रेसको निर्णय

पुष्पकमल दाहाल ‘प्रचण्ड’ नेतृत्वको सरकारमा सहभागी हुने निर्णय नेपाली कांग्रेसले गरेको छ।

आज बसेको केन्द्रीय कार्यसम्पादन समितिको बैठकले प्रधानमन्त्रीलाई विश्वासको मत दिने र सरकारमा सहभागी हुने निर्णय गरेको हो।

कांग्रेस प्रवक्ता प्रकाशशरण महतका अनुसार बैठकले सरकारमा सहभागी हुनका लागि मापदण्ड बनाउने निर्णय पनि गरेको छ।

प्रधानमन्त्री प्रचण्डले सोमबार (चैत ६ गते) विश्वासको मत लिने संसद्‌को कार्यसूची छ। बैठकले संसदीय दललाई पनि प्रचण्डलाई विश्वासको मत दिन निर्देशन गरेको छ।