नेपालको लगातार तेस्रो जित, थाइल्यान्ड १४० रनले पराजित

काठमाडौं-मलेसियामा जारी टी-२० विश्वकप छनौटमा नेपालले लगातार तेस्रो जित हात पारेको छ। आइतबार भएको थाइल्यान्ड विरूद्धको खेलमा नेपालले डकवर्थ लेविस डिएल पद्दतिका आधारमा एक सय ४० रनको जित निकालेको हो । 

थाइल्यान्डले ८.५ ओभरमा ९ विकेट गुमाउदै १८ रन मात्र जोड्दा खेल बर्षले प्रभावित पारेको थियो । खेल बर्षले प्रभावित पारे पछि खेलको नतिजा डकवर्थ लेविका आधारमा निकालिएको थियो ।

नेपालका लागि लेग ब्रेक स्पिनर सन्दिप लामिछानेको उत्कृष्ट बलिङसँगै नेपालको जित दर्ता भएको हो । टस हारेर ब्याटिङ गरेको नेपालले निर्धारित २० ओभरमा सात विकेट गुमाउदै एक सय ७२ रन बनाएको थियो।

प्रतियोगितामा सन्दीप लामिछानेले नेपालका लागि पाँच विकेट लिएका थिए । उनले तीन ओभरमा एक ओभर मेडिन राख्दै ८ रन खर्चेर पाँच विकेट लिएका हुन् ।  त्यस्तै करन केसीले १.५ ओरमा दुई रन खर्चदै तीन विकेट लिँदा ललित राजवंशीले एक विकेट लिए ।

थाइल्यान्नडका कुनै पनि ब्याट्सम्यानले नेपाली बलर सामु खुलेर खेल्न सकेनन् । नेपाली बलर सामु निरहि देखिएका थाइल्यान्ड टोलीका कुनै पनि खेलाडीले दोहो अंक छुन सकेनन् । 

यसअघि मलेसियाको बायोमास ओभल क्रिकेट मैदानमा टस हारेर पहिले ब्याटिङको निम्तो पाएको नेपालले निर्धारित २० ओभरमा ७ विकेट गुमाउदै १ यस ७२ रन जोडेको थियो ।  नेपालक लागि करन केसीले १४ बलमा २ चौका र ४ छक्काको मद्दतमा सर्वाधिक ४० रन जोड्दै अविजित रहे ।

त्यस्तै शरद भेषवाकरले ३४ रन जोडे । उनले २८ बल खेल्दै दुई चौकाको मद्दतमा  ३४ रन जोडेका हुन् । दिपेन्द्र सिंह ऐरीले ३० रन जोडे । उनले २६ बल खेल्दै  तीन चौका र एक छक्का प्रहार गरे ।  ओपनर ब्याट्सम्यान अनिल साहले आक्रमक ब्याटिङ गर्दै १७ बलमा पाँच चौकाको मद्दतमा २५ रन जोडे ।

नोद भन्डारीले आठ बल खेल्दै  दुई चौका र एक छक्काको मद्दतमा १५ रन जोड्दा अन्य ब्याट्सम्यानले भने दोहोर अंक छुन सकेनन् । थाइल्यान्डका लागि पयुपुथ सुंनार्डले चार विकेट लिए । त्यस्तै भिचनाथ सिंहले दुई र जिउल होक्युले एक  विकेट लिए ।