बंगबन्धु गोल्डकप : पहिलो हाफ गोल रहित बराबरी 

काठमाडौं- बंगलादेशमा जारी बंगबन्धु गोल्डकपमा साबिकको विजेता नेपाल राष्ट्रिय फुटबल टोलीले प्यालेस्टाइनसँग पहिलो हाफ गोल रहित बराबरी खेलेको छ । बंगलादेशको सिल्हेट खेल मैदानमा भएको खेलमा दुबै टोलीबाट गोल हुन नसक्दा पहिलो हाहफ बराबरीमा रोकिएको हो ।  

गर या मरको अवस्थामा रहेको  नेपालका लागि प्यालेस्टाइन फलामको च्युरा जस्तै बनेको । शुरुवाती समय देखिनै दबाबमा राखेको प्यालेस्टाइनले खेलको १६ औं र २२ औं मिनेटमा अवसर पाएको  थियो । 

तर, उक्त प्यालेस्टाइनी  खेलाडीको  प्रहारलाई गोल रक्षक विवेक कुथुले उत्कृष्ट बचाउ  गरेका थिए । ३५ औं  मिनेटमा नेपालले पनि अवसर पाएको थियो । तर, उक्त अवसर नेपालले पनि सदुपयो गर्न नसक्दा पहिलो हाफ गोल रहित सकिएको छ ।

नेपाले यो खेल जितेर मात्र अघिल्लो चार पार गर्न सक्ने छैन् । नेपालले अघिल्लो चरण पार गर्न प्यालेस्टाइनलाई फराकिलो गोल अन्तरले पराजित गर्नु पर्ने छ । झिनो अन्तरको जित र बराबरीले नेपाल सेमिफाइनलमा पुग्न असफल हुनेछ । 

यदि नेपालले प्यालेस्टाइनलाई ३-० गोल अन्तरले पनि पराजित गर्न सके नेपाल अर्को चारणमा प्रवेश गर्ने छ । नेपाल मंगलबार भएको समूह चरणको आफ्नो पहिलो खेल ताजिकिस्तानसँग २-० गोल अन्तरले गुमाएको थियो ।