काठमाडौंमा भएको मोटरसाइकल दुर्घटनामा एक जनाको मृत्यु

काठमाडौं- काठमाडौंको घण्टाघरमा पैदलयात्रीलाई ठक्कर दिएर मोटरसाइकल पल्टँदा चालकको मृत्यु भएको छ। पैदलयात्री घाइते छन्।

भोजपुरको षडानन्द गाउँपालिका–११ घर भई काठमाडौंमा बस्दै आएका अन्दाजी २३ वर्षीय सुजल छावुहाङ राईको मृत्यु भएको हो। उनको उपचारका क्रममा महाँकालस्थित राष्ट्रिय ट्रमा सेन्टरमा मृत्यु भएको प्रहरीले जनाएको छ।

घाइते भएका पैदलयात्री काठमाडौंको नैकाप बस्ने ५८ वर्षीय अशोककुमार महर्जनको सोही अस्पतालमा उपचार भइरहेको छ।

आज बिहान करिब ७ बजे बा६५प ५६०८ नम्बरको मोटरसाइकल पैदलयात्रीलाई ठक्कर दिएर पल्टिएको प्रहरीले जनाएको छ।