काठमाडौं– गत शनिबार शंखमूलस्थित बबिन्स क्याफेको छैटौं तलाबाट हाम फालेर मृत्यु रोजेका नेकपा एसका अध्यक्ष माधवकुमार नेपालका भाइ सरोजकुमार उपाध्यायको निधनप्रति एमाले अध्यक्ष केपी ओलीले समवेदना व्यक्त गरेका छन्।
बुधबार अध्यक्ष ओली सरोजको निधनप्रति नेता नेपाललाई समवेदना दिन शंखमूलस्थित किरियापुत्री भवनमा पुगेका हुन्।
छैटौं तलाबाट खसेर गम्भीर घाइते भएका सरोजकुमारको उपचारका क्रममा निधन भएको थियो। सरोजकुमार अध्यक्ष नेपालका भाइ हुन् भने उनी नेकपा एसका केन्द्रीय सदस्य थिए।