टी-२० विश्वकप छनोट : नेपालले मलेसियाविरुद्ध फिल्डिङ गर्दै

काठमाडौं- मलेसियामा जारी ट्वान्टी-२० विश्वकप छनोटको आफ्नो दोस्रो खेलमा नेपालले मलेसियाविरुद्ध फिल्डिङ गर्दैे छ । बायोमास ओभल क्रिकेट मैदानमा जारि खेलमा नेपालले टस हारेर फिल्डिङ गर्ने निम्तो पाएको हो । 

उपाधिको एक्लो दाबेदार नेपाललाई जारी प्रतियोगितामा अलि टक्कर दिन सक्ने टोली मलेसिया हो । तर, पनि मलेसियाले अहिले सम्म नेपाललाई कुनै पनि खेलमा हराउन सकेको छैन ।
 
सन् २०१० मा नेपाल र मलेसिया एउटै स्तरका टोली थिए । यी दुवै डिभिजन ५ मा सँगै खेल्थे । तर पछिल्लो ८ बर्षमा नेपाल र मलेसिया क्रिकेटको स्तर फरक छ । मलेसिया डिभिजन ४ मै कायम रहँदा नेपालले वा डे मान्यता पाई सकेको छ । 

तर मलेसियाले एक महिना अघि मलेसियामानै सम्पन्न एसिया कप छनोट प्रतियोगितामा नेपाललाई कडा टक्कर दिएको थियो । पहिलो खेलमा नेपालले म्यानमारलाई ८ विकेटले पराजित गरेको थियो ।