तनहुँ- नेपाल मसलन्द तथा शैक्षिक सामाग्री उद्योग संघले अहिले नेपाली अर्थतन्त्रमा समस्या देखिएको समाधानको पहल थाल्न सरकारलाई आग्रह गरेको छ। तनहुँको बन्दीपुरमा बसेको संघको केन्द्रीय कार्यसमितिको बैठकले ३ बुँदे निर्णय गर्दै सरकारलाई समस्या समाधानका लागि पहल गर्न आग्रह गरेको हो।
संघका अध्यक्ष निमनाथ फुयालको अध्यक्षतामा बसेको बैठकले बैंकको चर्को ब्याजदर, तरलताको अभाव र अर्थतन्त्रमा देखिएको संकटबाट आर्थिक मन्दी सिर्जना भइ ब्यापार, उद्योग व्यवसायमा गम्भीर समस्या उत्पन्न भएको हुँदा सरकारलाई समस्या समाधानमा गम्भीर हुन ध्यानाकर्षण गराउने निर्णय गरेको हो।
यसैगरी उधारो कारोबारलाई पूर्णरुपले बन्द गर्न आफ्ना सवै सदस्यहरुलाई आह्वान पनि गरेको छ। बन्दीपुर बैठकले संघका अध्यक्षसहित पदाधिकारीहरुको पदस्थापना, कार्यविभानजसहित विभिन्न अरु निर्णयहरु पनि भएको वरिष्ठ उपाध्यक्ष बिजेन्द्र विक्रम शाहले जानकारी दिए।