पहिलो इनिङमा भारतको ठुलो स्कोर

एजेन्सी- पहिलो टेस्टको दोस्रो दिन भारतले ९ विकेट गुमाउदै ६४९ रनको ठुलो स्कोर जोडेको छ । दोस्रो दिन भारतका लागि रविन्द्र जडेजाले करियरकै उत्कृष्ट ब्याटिङ गरेपछि भारतले ६४९ रनको ठुलो स्कोर जोडेको हो । यससँगै भारतले पहिलो इनिङ समाप्तीको घोषणा गरेको छ ।

पहिलो इनिङमा भारतलाई विशाल योगफल तयार गर्न १८ बर्षीय पृथ्वी शा डेब्यु टस्टमा नै उत्कृष्ट ब्याटिङ गरेका थिए । त्यस्तै विराट कोहली र रविन्द्र जडेजाले शतक प्रहार गर्दा ऋषभ पन्त र चेतेश्वर पुजराले अर्धशतक प्रहार गरे । 

राजकोटमा टस जितेर पहिलो ब्याटिङ गरेको भारतले दोस्रो दिनको दोस्रो शेशनमा इनिङ समाप्तीको घोषणा गरेको हो । शा ले १५४ बलमा १९ चौका प्रहार गर्दै १३४ रन जोडे । विराट कोहलीले २३० बलमा १० चौका प्रहार गर्दै १३९ र १३२ बलमा समान ५ छक्का र चौका प्रहार गर्दै जडेजाले शतक बनाए । 

यो जडेजाको टेस्ट क्रिकेटमा करियरको पहिलो विसाल योगफल हो । भारतका चेतेश्वर पुजरा ८६ र ऋषभ पन्तले ९२ रन प्रहार गरे ।

वेस्टइन्डिजका लागि देवेन्द्र बिशू ४ तथा ,शेरमान लुईस २ विकेट लिए । दोस्रो दिनको अन्तिम तेस्रो शेसनमा जवाफी ब्याटिङ गरेको वेस्ट इन्डिजले खराव सुरुवात गरेको छा ।