राजनीतिले सही बाटो समात्यो : नेता प्रकाशमान

एमाले नेतृत्वको सात दलीय गठबन्धनका कारण केही समय राजनीति असहज रुपमा अघि बढे पनि अहिले आठ दलीय गठबन्धन बनेकाले सबै ठीकठाक हुन थालेको नेता सिंहको दाबी।

नेपाल समय | बिहीबार, फागुन १८, २०७९

नेपाल समय

बिहीबार, फागुन १८, २०७९

राजनीतिले सही बाटो समात्यो : नेता प्रकाशमान

काठमाडौं– संघीय सांसद प्रकाशमान सिंहले कांग्रेसको पहलमा आठ दलीय गठबन्धन जन्मिएपछि राजनीति सही बाटोतिर हिँड्न लागेको दाबी गरेका छन्।

बिहीबार धनुषा कांग्रेस पार्टी कार्यालयमा सञ्चारकर्मीसँग कुरा गर्दै नेता सिंहले देशको राजनीति सही बाटोमा आएको बताएका हुन्।

एमाले नेतृत्वको सात दलीय गठबन्धनका कारण केही समय राजनीतिक असहज रुपमा अघि बढे पनि अहिले जनमतअनुरुपको राजनीतिक परिस्थिति निर्माण भएको सिंहले जिकिर गरे।

उनले राष्ट्रपतिमा वरिष्ठ नेता रामचन्द्र पौडेलको जित सुनिश्चित रहेकाले कुनै पनि द्विविधा नराख्न आग्रह गरे। सरकार आठ दलबीचको समझदारीबमोजिम अगाडि बढ्ने हुँदा मुलुकले सही निकास पाउने सिंहले बताए।

मुलुकको अर्थतन्त्र संकटमा रहेको हुँदा सरकारको पहिलो काम नागरिकमा आशा जगाउनुतिर हुनुपर्ने सुझाव उनले दिए।

प्रकाशित: Mar 02, 2023| 11:08 बिहीबार, फागुन १८, २०७९