विश्वकप एक अतित भैसकेको छ : नेयमार

पेरीस (एजेनसी)- रुस विश्वकपलाई लिएर भएको आलोचना प्रति ब्राजिलियन फरवार्ड नेयमारले अतितको पछि नलाग्न आग्रह गरेका छन् । पेरिस सेन्ट जर्मन (पीएसजी)का स्टार नेयमारका अनुसार विश्वकप सकिएको र अतितलाई बिर्सेर अगाढी बढ्नु पर्ने बताएका हुन् । 

‘मेरो चोट... विश्वकप... यो सब अतितमा हो । यो कठिन थियो । तर, अब यो मेरा लागि अतित बनि सकेको छ । उक्त समय धेरै निराशा भएको थिए । अब म अगाढी बढिरहेको छु ।’ नेयमारले भने, ‘आज मसँग दुखी हुँदा हुँदै पनि खुसी हुनुका धेरै कारण छन् ।’

प्रशिक्षक टुचेलले नेयमार शतप्रतिशत फिट रहेको भनाईमा उनी सहमत छन् । ‘म अहिले सम्म शतप्रतिशत छैन् । तर, कोहि पनि छैनन् की यो सिजनको शुरुवात हो । टिम फेब्रअरी, मार्चमा तयार हुनका लागि योजना बनाई रहेको छ, नेयमारले भने ।’ 

उनले प्रशिक्षक थोमस टुचेलको पनि प्रसंसा गरेका छन् । उनका अनुसार टुचेलले क्लबमा केहि नयाँ ल्याएको उनको भनाई थियो । उनले भने, ‘टुचेलले पीएसजीमा केहि नयाँ ल्याएका छन् । मैले देखेको छु की उनी कति जित्न चाहन्छन भनेर । उनलाई मैले आफ्नो पहिलो कुराकानिमा सहि देखे ।’ 

उनले थपे, ‘म स्वयम जे भन्दै छु त्यो मलाई थाहा भएको कुरा हो । उनी एक युवा प्रशिक्षक हुन् । उनी हामीलाई हरेक प्रशिक्षण सत्रमा देखाउछन् । उनीसँग काम गर्नु एक राम्रो अनुभव हो ।’

च्याम्पियन्स लिग जित्नु धेरै अफ्ट्यारो छ । नेयमारले भने, ‘तपाइले हरेक सानो जानकारीमा ध्यान दिनु पर्छ । हरेक खेलको रहेक दोस्रो खेलाडीका लागि ध्यान केन्द्रित गर्नु पर्छ र सधै आफ्नो केहि उत्कृष्ट दिनु पर्छ ।’ उनले थपे, ‘यहि हो जो हामी चाहन्छौ । हामी एक महान पीएसजी बन्न चाहन्छौ र सबैलाई आश्चर्यचकित पार्न चाहन्छौ ।’