रोनाल्डो राष्ट्रिय टिमबाट बाहिरिए

लेसबोर्न (एजेन्सी)- इटालियन क्लब युभेन्ट्सका स्टार खेलाडी क्रिष्टियानो रोनाल्डो पोर्चुगल राष्ट्रिय टिममा परेका छैनन् ।  उनी यसै महिनजा हुने पोल्याण्ड र स्कटल्याण्डसँगको खेलका लागि राष्ट्रिय टिममा नपरेका हुन् ।

रोनाल्डोलाई नेशन्स लिग अन्तर्गत अक्टोबर ११ मा हुने पोल्याण्डसँगको खेल तथा अक्टोबर १४ मा हुने स्कटल्याण्डसँगको मैत्रीपूर्ण खेलका लागि टिममा राखिएको छैन । रोनाल्डोले भविष्यमा राष्ट्रिय टिममा योगदान दिने र त्यसबाट कसैले रोक्न नसक्ने प्रशिक्षक सान्तोसले बताएका छन् । 

स्टार खेलाडी रोनाल्डोलाई गएको महिना भएको युइएफए नेशन्स लिग अन्तर्गत पनि राष्ट्रिय टिमबाट आराम दिइएको थियो । त्यो बेला पोर्चुगलका प्रशिक्षक फर्नान्डो सान्तोसले रोनाल्डोलाई युभेन्टसमा समायोजन हुनका लागि समय चाहिएकाले आराम दिइएको बताएका थिए । 

यसै सिजन युभेन्ट्स पुगेका रोनाल्डोले इटालियन लिग सिरी-ए मा त्यस्तो कमव्याब गर्न सकेनन् । उनले सिरी-ए मा आफ्नो  पहिलो गोल गर्नका लागि तीन खेलको प्रतिक्ष्या गर्नु परेको थियो । रोनाल्डोले युभेन्ट्सका लागि आठ खेल खेल्दा मात्र तीन गोल गरेका छन् ।