पोखरा- पोखरा महानगरपालिका वडा नम्बर ४ का सदस्य ५२ वर्षीय सञ्जयकुमार श्रेष्ठको निधन भएको छ। आइतबार बिहान ३ बजे फिस्टेल अस्पतालमा उपचार क्रममा निधन भएको वडाध्यक्ष देवकृष्ण पराजुलीले जानकारी दिए। उनी जन्डिस रोगबाट ग्रसित थिए।
पोखरा गणेशटोल निवासी उनको आइतबार नै सेती किनार तुलसीघाटमा अन्त्येष्टि गरिने परिवारिक स्रोतले जनाएको छ।
नेपाली कांग्रेस पोखरा महानगर समितिका सचिव टुवराज बास्तोलाले महानगर समिति सदस्यसमेत रहेका वडा सदस्य श्रेष्ठको निधनप्रति दुःख व्यक्त गरेका छन्।