काठमाडौं- जबरजस्ती करणी गरेको आरोपमा प्रहरीले रोल्पा र झापामा दुईजनालाई पक्राउ गरेको छ।
रोल्पामा ५२ वर्षीया महिलालाई जबरजस्ती करणी गरेको आरोपमा सुनछहरी गाउँपालिका–७, जेलबाङ बस्ने ४० वर्षीय धनीमान रोकालाई शुक्रबार प्रहरीले पक्राउ गरेको हो।
रोकाले ती महिलालाई गत माघ २८ गते जबरजस्ती करणी गरेको भन्ने उजुरीको आधारमा प्रहरी चौकी जेल्वाङबाट खटिएको प्रहरीले उनलाई पक्राउ गरेको हो।
त्यस्तै, झापामा २९ वर्षीया महिलालाई जबरजस्ती करणी गरेको आरोपमा गौरादह नगरपालिका–५ बस्ने ३६ वर्षीय चन्द्रबहादुर चेम्जोङलाई शनिबार प्रहरीले पक्राउ गरेको छ।
चेम्जोङले ती महिलालाई जबरजस्ती करणी गरेको भन्ने उजुरीको आधारमा प्रहरी पक्राउ गरेको हो।