भक्तपुर समथलीका गाई फार्म सञ्चालक बेपत्ता

काठमाडौं- भक्तपुरको चाँगुनारायण नगरपालिका १ समथलीस्थित गाई फार्म सञ्चालक बेपत्ता भएका छन्। कुबिर बहादुर बस्नेत नामका ती फार्म सञ्चालक ६ फागुनदेखि हराएको उनका भाइ माधब बस्नेतले जानकारी दिए।

रामेछाप जिल्ला उमाकुण्ड गाउँपालिका २ रोशी स्थायी घर भएका उनी गत फागुन ६ गते बिहान समथलीकै १५ मिनेटको दूरीमा रहेको आफ्नो सालो (रमेश खड्का) को गाईगोठमा जान्छु भनेर हिँडेका थिए। तर, बेलुकासम्म पनि घर नफर्केपछि खोजी गर्दा सालोको गाई गोठमा नै नपुगेको जानकारी भयो।

त्यसपछि परिवार र आफन्तले खोजी कार्य जारी राखेका छन्। ‘स्थानीय प्रहरीलाई खबर गरे पनि अझै अवस्था पत्ता लगाउन सकिएन,’ साला खड्काले भने। आफन्तहरुले दैनिकजसो उनी जान सक्ने सम्भावित ठाउँहरुमा खोजी गरिरहे पनि भेटिएका छैनन्।  उनलाई देख्नेले ९८६०३३९९५२, ९८६१८८८१०९ वा ९८४१८९३३४६ मा सम्पर्क गरिदिन वा स्थानीय प्रहरीलाई खबर गरिदिन परिवारले आग्रह गरेको छ।