मंगलबार, असोज ११, २०७९
नेपाल समय
'गन'ले अन्याय, 'गन'ले न्याय–६

यस्तो छ 'एसएमजी चोर' सैनिकको बयान

अनिल यादव  |  काठमाडौं, बिहीबार, भदौ ३, २०७८
अनिल यादव

अनिल यादव

काठमाडौं, बिहीबार, भदौ ३, २०७८

साढे दुई वर्षअघि चितवनको कालीबहादुर गणबाट Sterling 9M/m NKR 100792 नम्बरको एउटा एसएमजी गन हराएको थियो। त्यही गन चोरी गरेको अभियोगमा गणमा कार्यरत सैनिक अमल्दार लवकुमार गुरुङ र सैनिक जवान सरोज तामाङलाई चार महिना सैनिक हिरासतमा चरम यातना दिइयो। त्यसपछि सैनिक अदालतकै फैसला बमोजिम गुरुङलाई ७ वर्ष र तामाङलाई १० वर्ष कैद सजायअनुरुप अहिलेसम्म जिल्ला कारागार चितवनमा सजाय काटिरहेका छन्। 

हामीले यसअघिका ५ शृंखलामा कारागारमा सजाय भोगिरहेका सैनिकदेखि उनीहरुका परिवारले भोगेको यातनाको वृतान्त प्रकाशित गरिसक्यौं। निर्दोष हुँदाहुँदै आफूहरुलाई चरम यातना दिएर चोरी स्वीकार गर्न लगाएको कारागारबाटै सैनिक जवान सरोज तामाङले नेपाल समयसँग भनेका थिए।


तामाङको कैदीपुर्जी।

यही क्रममा हामीले त्यस्तो डकुमेन्ट प्राप्त गरेका छौं, जसले हाल कारागारमा रहेका लवकुमार र सरोज दुवै निर्दोष रहेको पुष्टि गर्छ। गत साउन ७ गते चितवनमा काठमाडौंस्थित महेन्द्र दल गणमा कार्यरत नेपाली सेनाका हुद्दा भरत गुरुङको गोली हानी हत्या भएको थियो। उक्त हत्या अभियोगमा जिल्ला प्रहरी कार्यालय चितवनले नेपाली सेनाकै सिपाही गंगाधर ढकाललाई पक्राउ गरेको थियो। ढकालको साथबाट प्रहरीले एसएमजी गनसमेत प्राप्त गरेको थियो। 

प्रहरीले मंगलबारमात्रै ढकालको अनुसन्धान सकाएर उनीविरुद्ध ज्यानसम्बन्धी मुद्दा, अवैध हतियार रुपमा हातहतियार राखेको तथा चोरी गरेको कसुरमा जिल्ला सरकारी वकिलको कार्यालयमार्फत जिल्ला अदालतमा मुद्दा दायर गरेको थियो।

तर जिल्ला न्यायाधीश हेमन्त रावलको एकल इजलासले यो मुद्दाको फैसला आफैं गरेन, गुरुङको हत्या मुद्दासम्बन्धी सबै फाइल सैनिक मुख्यालयबाट माग भएको भन्दै सैनिक अदालत पठाउने आदेश थियो। 

तर, हामीले त्यो जिल्ला अदालतको फाइल प्राप्त गरेका छौं, जहाँ ढकालको साथबाट प्राप्त भएको एसएमजी गनको नम्बर र साढे २ वर्षअघि कालीबहादुर गणबाट हराएको गनको नम्बर मिलेको पुष्टि हुन्छ। 

बयानका क्रममा ढकालले आफ्नै साथी भरतको हत्यामा आफू एकजना मात्रै संलग्न रहेको बताएका छन्। त्यस्तै हतियारबारे सोधिएको प्रश्नमा उनले ०७५ सालको जाडो महिनामा काठमाडौंबाट बिदामा चितवन घर आएका बेला कालिबहादुर गणबाट उक्त सट मेसिन गन चोरेको बयान दिएका छन्।

‘म काठमाडौंबाट घरमा छुट्टीमा चितवन आएको थिएँ। सो समयमा भरतपुरस्थित सेनाको ब्यारेकको चौबिस कोठीतिरको तारबाट रातको करिब १० बजेतिर छिरेर करिब २ घण्टाजति झाडीमा लुकेर बसेको थिएँ । करिब रातको १२ बजेपछि ड्युटीमा सेनाहरु अगाडि ढोकामा बसेको समयमा म पछाडिको झ्यालबाट हतियार राखेको ठाउँमा गएर उक्त बरामद भएको हतियार चोरेर लगेको हुँ,’ उनले बयानका क्रममा भनेका छन्।

महेन्द्र दल गणमा कार्यरत हुनुअघि आफू भरतपुरको कालीबहादुर गणमा दुई वर्ष कार्यरत भएकाले गनका बारेमा आफूलाई जानकारी भएको उनले बयानमा बताएका छन्। चोरी गरेको हतियार आफूले घरको टौवामुनि लुकाएर राखेको समेत उनले खुलाएका छन्। 

पढ्नुस्, उनले दिएको बयान जस्ताको त्यस्तैः 

तपाईंले उक्त बरामद भएको बन्दुक के कसरी प्राप्त गर्नुभएको हो? उक्त बन्दुक ड्युटीमा हुँदा चोरी गरेको हो या अन्य समयमा चोरी गरेको हो? 

मिति २०७५ सालको महिना याद भएन, जाडोको सिजन थियो। म काठमाडौंको महेन्द्र दल गणमा कार्यरत थिएँ। म यसअघि भरतपुर चितवनको सेनामा ब्यारेकमा करिब २ वर्षजति काम गरेको थिएँ र काठमाडौं सरुवा भएर गएको थिएँ। भरतपुर चितवनको सेना ब्यारेकका बारेमा मलाई जानकारी थियो। म काठमाडौंबाट घरमा छुट्टीमा चितवन आएको थिएँ।

सो समयमा भरतपुर चितवनको सेनाको ब्यारेकको चौबिस कोठीतिरको तारबाट रातको करिब १० बजेतिर छिरेर करिब २ घण्टाजति झाडीमा लुकेर बसेको थिएँ। करिब रातको १२ बजेपछि ड्युटीमा सेनाहरु अगाडि ढोकामा बसेको समयमा म पछाडिको झ्यालबाट हतियार राखेको ठाउँमा गएर उक्त बरामद भएको हतियार चोरेर लगेको हुँ। उक्त हतियार चोरेर घरको टौवामुनि लुकाएर राखेको थिएँ। मैले टौवा फेर्ने बेलामा अर्को ठाउँमा लुकाएर राख्ने गरेको र फेरि टौवा बनेपछि सोही स्थानमा लुकाएर राख्ने गरेको थिएँ। उक्त चोरी गरेको हतियार लुकाएको घरमा कसैलाई थाहा थिएन। 

तपाईंले उक्त हतियार किन कुन प्रयोजनका लागि चोरी गर्नुभएको थियो? 

मैले उक्त हतियार किन चोरेँ भन्ने मलाई थाहा भएन। चोरी गर्ने समयमा मेरो दिमागले काम नै गरेको थिएन।





शृंखलाको पाँचौं भाग

०७५ साल माघ २६ गते। उदयपुरस्थित त्रियुगामा रहेको आफ्नै घरमा थिइन्, तारा तामाङ। बहिनी प्रमिला पनि त्यहीँ आएकी थिइन्। बिहान भर्खर कुखुरा बास्न थालेका थिए। बेडमा मस्त सुतिरहेका थिए, तारा र प्रमिला। ...

शृंखलाको चौथो भाग


सैनिक भरत गुरुङको हत्या मुद्दालाई सैनिक अदालत पठाउन चितवन जिल्ला अदालतले आदेश जारी गरेको छ। जिल्ला न्यायाधीश हेमन्त रावलको एकल इजलासले गुरुङको हत्या मुद्दासम्बन्धी सबै फाइल सैनिक अदालत पठाउने आदेश गरेको हो।...

शृंखलाको तेस्रो भाग:

आफू सुत्केरी भएका बेला निर्दोष श्रीमान् जेलमा पर्दा उर्मिलाले खुब दुःख पाएकी छिन्। घरमा कमाउने कोही नभएपछि ९ महिनाको नानी छाडेर उनी सुबिसु इन्टरनेटको अफिसमा काम गर्न जान्थिन्।…

शृंखलाको दोस्रो भाग:

एकपटक त हामीलाई आँखामा पट्टी, हातमा हतकडी लगाएर जंगलमा लगियो। फायरिङ गरियो। अनि भनियो– ‘तेरो साथी लबकुमार मर्‍यो।’ त्यसपछि बन्दुक कहाँ छ, अब तँ भन्, नत्र तलाई पनि मार्दिन्छु भन्दै मलाई धम्क्याइयो। त्यतिमात्रै होइन, तेरो श्रीमतीलाई दिल्ली लगेर बेच्दिन्छु, छोराछोरी बेच्दिन्छु, अनेक भनेर तर्साइयो। ...

शृंखलाको पहिलो भाग:
दुई वर्षदेखि जेलमा रहेका दुई  सैनिक जवानमाथि लगाएको अभियोग मिथ्या सावित भएको छ। चितवनस्थित नेपाली सेनाको कालीबहादुर गणको गणबाट १००७९२ नम्बरको सर्ट मेसिन गन ( एसएमजी ) चोरीको आरोपमा जेल परेका ती दुई सैनिक जवानहरु सोही नम्बरको हतियार अर्को व्यक्तिले चोरेको स्विकारेपछि उनीहरुमाथिको अभियोग बनावटी रहेको तथ्य बाहिर आएको हो।…

तपाईं को प्रतिक्रिया

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
समाज

दलित र ब्राम्हणको जमरा एकै स्थानमा

नुवाकोटको बेलकोटमा दलित र ब्राम्हण समुदायको एकैस्थानमा जमरा राखिएको छ। बेलकोटगढी नपा–१०, बेलकोटस्थित निरञ्जना भगवतीको मन्दिरमा रहेको दसैँ घरमा आज सामूहिक जमरा राखिएको हो।
नेपाल समय
समाज

पितृदोष लगाइदिएको भन्दै महिलाको हत्या

मृत्यु हुनेमा खाँडादेवी गाउँपालिका वडा नम्बर ३ की ५० वर्षीया महिला रहेको रामेछापका डीएसपी राजकुमार थिङले जानकारी दिए। मृतकको नाम खुलेको छैन।
नेपाल समय
समाज

मलेसियास्थित दूतावासमा श्रमिक सहायता केन्द्र स्थापना गर्ने राजदूत पौडेलको प्रतिबद्धता

मलेसियाका लागि नवनियुक्त नेपाली राजदूत डिल्लीराज पौडेलले मलेसियामा नेपाली श्रमिकहरुले भोगेका समस्या समाधानका लागि श्रमिक सहायता केन्द्र स्थापना गर्ने प्रतिबद्धता जनाएका छन्।
नेपाल समय
समाज

मनास्लु हिमपहिरो : एक जनाको मृत्यु, घाइतेमध्ये चार जनाको अवस्था गम्भीर

हिमपहिरोमा परी १२ जना घाइतेमध्ये चार जनाको अवस्थामा गम्भीर रहेको छ। घाइतेमध्येकै एकजनाको मृत्यु भएको गोर्खा प्रहरीले जानकारी दिएको छ। प्रहरीका अनुसार मृत्यु हुनेमा अनुप राई रहेका छन्।
नेपाल समय
समाज

सन्दीपविरुद्ध इन्टरपोलमा डिफ्युजन नोटिस जारी

प्रहरी प्रधान कार्यालयका प्रवक्ता डीआईजी टेकप्रसाद राईले सन्दीपविरुद्ध डिफ्युजन नोटिस जारी गरेको जानकारी दिए।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना