शुक्रबार, जेठ १९, २०८०

निर्मम समीक्षाका साथ अघि बढ्छौं : मनिष झा

राष्ट्रिय स्वतन्त्र पार्टीका नेता मनिष झाले निर्वाचनपछि पार्टीले गरेका कामको निर्मम समीक्षाका साथ नयाँ कार्ययोजना बनाएर अघि बढ्ने बताएका छन्।
 |  मंगलबार, माघ २४, २०७९

नेपाल समय

नेपाल समय

मंगलबार, माघ २४, २०७९

काठमाडौं- राष्ट्रिय स्वतन्त्र पार्टीका नेता मनिष झाले निर्वाचनपछि पार्टीले गरेका कामको निर्मम समीक्षाका साथ नयाँ कार्ययोजना बनाएर अघि बढ्ने बताएका छन्।

Everest Bank

उनले निर्वाचनपछिको छोटो अवधिमा दलका सबै पदाधिकारीले एकछिन विश्राम नगरी निकै तीव्र गतिमा कार्यसम्पादन गरेको दलले निष्कर्ष निकालेको बताए।

‘पार्टी जहाँ छ, हामी जे अवस्थामा छौं, त्योप्रति सबैको स्वीकारोक्ति छ, सबैले स्वामित्व लिएका छौं। हामी सबै ठीक ठाउँमै छौँ,’ उनले भने। पार्टी सभापति रवि लामिछानेले समसामयिक विषयमा दिएको अभिव्यक्तिप्रति सबै सदस्यको ऐक्यवद्धता र पूर्ण समर्थन रहेको उनले बताए।

राजनीति, निजी क्षेत्र, नागरिक समाजले जस्तै मिडियाबाट पनि आफ्नो जिम्मेवारी र भूमिकाको आत्मसमीक्षा जरुरी भएको दलको धारणा रहेको उनले बताए। मिडियाले राष्ट्रियता, सार्वभौम, सुरक्षा, संविधानपालना गराउने जस्ता विषयमा अन्तरनिहित स्वार्थ स्वभाविक भए पनि कुनै व्यक्ति र दल विशेषलाई निशाना बनाउन खोज्नुहुन्न भन्ने रास्वपाको मत रहेको उनले बताए।

‘सात महिनाको अवधिमा जुन क्षमता, दक्षता, रणनीति लिएर राष्ट्रिय दलको भूमिकामा पुगिएको छ, अबको गन्तव्य भनेको बाचापत्रमा लेखिएका विषय सङ्गठनलाई बलियो बनाएर कार्यन्वयनमा लगिनेछ,’ उनले भने।

National life insurance
Metro Mart

युवा पुस्ताले राजनीतिक दललाई कसरी सञ्चालन गर्न सक्छन् भनी उदाहरण प्रस्तुत गर्ने अठोट व्यक्त गर्दै उनले भने, ‘पछिल्लो पत्रकार सम्मेलन अर्को कार्यदिशामा हिँड्नका लागि टर्निङ प्वाइन्ट हो।’

प्रकाशित: Feb 07, 2023| 02:09. 37 मंगलबार, माघ २४, २०७९
प्रतिक्रिया दिनुहोस्

थप समाचार

नक्कली शरणार्थी प्रकरणः खाणसहितका तीन जनामाथि सोधपुछ

अदालतमा बिहान ११ बजेदेखि पूर्वगृहमन्त्री खाण, भुटानी शरणार्थीका नेता रिजाल तथा हरिभक्तलाई न्यायाधीशले नक्कली शरणार्थी धन्धाबारे सोधपुछ गरिरहेका हुन्।

भारत भ्रमण ऊर्जा व्यापारमा ब्रेक थ्रु : प्रधानमन्त्री प्रचण्ड

नयाँ दिल्लीस्थित होटल आइटिसी मौर्यमा नेपालका सञ्चारकर्मीसँगको कुराकानीमा प्रधानमन्त्री प्रचण्डले ऊर्जा व्यापार क्षेत्रमा भारतसँग ‘ब्रेक थ्रु’ भएको दाबी गरेका हुन्।