शनिबार, चैत ११, २०७९

प्रधानमन्त्रीको काँधमा पाँच मन्त्रालयको जिम्मेवारी

अब भने पाँच मन्त्रालय मन्त्रीविहीन बन्न पुगेका छन् र मन्त्रिपरिषद् १९ सदस्यीय कायम भएको छ।
 |  सोमबार, माघ २३, २०७९

नेपाल समय

नेपाल समय

सोमबार, माघ २३, २०७९

काठमाडौं– राष्ट्रपति विद्यादेवी भण्डारीले रिक्त रहेका थप दुई मन्त्रालयको कार्यभार प्रधानमन्त्री पुष्पकमल दाहाल प्रचण्डले सम्हाल्ने गरी तोकेकी छन्। 

National life insurance

सोमबार राष्ट्रपति कार्यालयका प्रवक्ता सागर आचार्यले विज्ञप्ति जारी गर्दै शिक्षा र श्रम मन्त्रालयको कार्यभार प्रधानमन्त्रीले सम्हाल्ने गरी तोकिएको जानकारी दिएका हुन्।

राष्ट्रिय स्वतन्त्र पार्टीका मन्त्रीहरु शिशिर खनाल र डोलप्रसाद अर्यालले राजीनामा दिएपछि दुई मन्त्रालय खाली भएका हुन्।

रास्वपाबाट शिक्षा, विज्ञान तथा प्रविधिमन्त्रीमा खनाल र श्रम, रोजगार तथा सामाजिक सुरक्षा मन्त्रालयमा अर्याल नियुक्त भएका थिए। पार्टीको निर्णयअनुसार उनीहरु दुवैले हिजो आइतबार राजीनामा दिएका थिए।

रास्वपा सभापति रवि लामिछानेको सांसद नरहेपछि गृह मन्त्रालय पनि खाली छ र गृहको जिम्मेवारी पनि प्रधानमन्त्रीले नै लिएका छन्। त्यसैगरी वन तथा  वातावरण मन्त्रालयको जिम्मेवारी पनि प्रधानमन्त्रीकै काँधमा छ।  

worldlink

युवा तथा खेलकुद मन्त्रालय पनि मन्त्रीविहीन छ। सो मन्त्रालयको कार्यभार पनि प्रधानमन्त्री प्रचण्डले नै सम्हालिरहेका छन्। 

यसअघि प्रधानमन्त्रीले दोस्रो पटक मन्त्रिपरिषद् विस्तार गर्दा दुई मन्त्रालय वन तथा वातावरण र युवा तथा खेलकुदमन्त्री नियुक्त हुन बाँकी थियो। अब भने पाँच मन्त्रालय मन्त्रीविहीन बन्न पुगेका छन् र मन्त्रिपरिषद् १९ सदस्यीय कायम  भएको छ।


प्रकाशित: Feb 06, 2023| 03:43. 00 सोमबार, माघ २३, २०७९

थप समाचार

सत्तारुढ माओवादी केन्द्रको पदाधिकारी बैठक, सरकार विस्तारबारे छलफल

कांग्रेस नेतृत्वको नयाँ समीकरण, सरकार विस्तार, समसामयिक राजनीतिक घटनाक्रमबारे छलफल गर्न पार्टी पदाधिकारी बैठक बसेको माओवादीले बताएको हो।

वर्तमान गठबन्धन लामो समय नटिक्ने बाबुराम भट्टराईको उद्घोष

गठबन्धनमा आबद्ध दस वटै दललाई सत्ता चाहिएको र देशमा आर्थिक, सामाजिक र राजनीतिक अवस्था सही ढंगले अघि बढ्न नसकेकै कारण नयाँ गठबन्धन टिकाउ हुने ग्यारेन्टी...

उपेन्द्रलाई रोक्दै जनमत र लोसपा

सांसद रामसहायलाई उपराष्ट्रपति बनाएपछि रिक्त रहेको बारा २ को निर्वाचन क्षेत्रमा गठबन्धनबाट साझा उम्मेदवार बन्ने रणनीतिमा रहेका जसपा अध्यक्ष उपेन्द्र यादवलाई सत्ता गठबन्धनभित्रकै सीके राउतहरूले...