मलाई गाली गर्ने अधिकांशको चारपटक यूएस भिसा रिजेक्ट भएको छ: रवि

काठमाडौं– रास्वपा अध्यक्ष रवि लामिछानेले यूएस भिसा रिजेक्ट भएकाहरूले आफूलाई गाली गरिरहेको बताएका छन्। सरकारबाट बाहिरिने निर्णयबारे जानकारी दिन आयोजित पत्रकार सम्मेलनमा उनले यस्तो बताएका हुन्। 

'बुद्धको मन्त्रलाई ज्ञान बनाएर मअघि बढेको छु। कसलाई मन्त्री बनाउने कसलाई सचिव बनाउनेले नसुनुन् मलाई मतलब छैन। भित्री मधेसमा बस्ने पहाडमा बस्ने सामान्य मान्छेले मेरो भाषा बुझोस्। मुलुकलाई केही गर्नका लागि आएका हामी जस्ता मान्छे जो बाकसमा आउन चाहनेन्,' उनले भने, 'मलाई गाली गर्ने अधिकांश मान्छेको चारपटक यूएस भिसा रिजेक्ट भएको छ। डीभी कतिपटक भर्नुभयो? म त अमेरिकी पासपोर्ट त्यागेर आएको मान्छे।'