मिडियामाथि खनिँदै रविले भने– सम्पादकहरू चितवन–२ मा मसँग चुनाव लड्न आउनुस्

काठमाडौं– रास्वपा अध्यक्ष रवि लामिछाने मिडियामाथि खनिएका छन्। सरकारबाट बाहिरिएको पार्टी निर्णयबारे जानकारी गराउन आयोजित पत्रकार सम्मेलनमा उनले पत्रपत्रिकाले निरन्तर आफूमाथि प्रहार गरेको आरोप लगाए। झुटा शीर्षक राखेर आफूमाथि नियोजित प्रहार भएको उनले बताए।

उनले सम्पादकको काम पत्रिका चलाउने भएको बताउँदै देश चलाउने नभएको बताए। सम्पादकलाई आफूसँग चुनाव लड्न आउन चुनौती दिए उनले। उनले कान्तिपुरका सञ्चालक कैलाश सिरोहिया, अनलाइनखबरका सम्पादक शिव गाउँले,  सेतोपाटीका सम्पादक अमित ढकाल, अन्नपूर्णका सञ्चालक रामेश्वर थापाको नामै किटेर आफूसँग चितवन २ मा चुनाव लड्न आउन चुनौती दिए। उनले भने, ‘को को आउने हो चुनाव लड्न आउनुस्। सम्पादकहरू देश चलाउने होइन। पत्रिका चलाउने हो। चितवन २ मा आउनुस् मसँग चुनाव लड्न।